Ommaviy oferta

Xizmatdan foydalanish shartlari

1. Xizmat

Ertakchi (ertakchi.maisa.uz va Telegram'dagi @ertakchiuzbot) ota-ona kiritgan ma'lumotlar (bolaning ismi, yoshi, qiziqishlari) asosida sun'iy intellekt yordamida bolalar uchun ertak matnini yozadi va uni ertakchi ovozida, fon musiqasi bilan audio yozuv qilib beradi. Xizmatdan kattalar (ota-onalar va bolaning yaqinlari) foydalanadi. Xizmatdan foydalanish — ushbu shartlarga rozilik bildirishdir.

2. Narx va to'lov

Bitta tayyor ertak narxi — 29 000 so'm. Narx o'zgarishi mumkin; amaldagi narx to'lovdan oldin ilovada ko'rsatiladi.
Ertak matnini to'liq o'qib ko'rish bepul; audio yozuv (ovozlashtirish) to'lovdan keyin tayyorlanadi. To'lov ichki balansdan yechiladi; balans Click to'lov tizimi orqali to'ldiriladi.
Umumiy «Ertaklar» bo'limidagi tayyor ertak yangi ertak narxining yarmiga olinadi.
Balansga tushgan mablag' faqat xizmat ichida ishlatiladi.

3. Natija va qaytarish

Ertak odatda bir necha daqiqada tayyor bo'ladi va ilovada hamda Telegram bot orqali yetkaziladi.
Texnik sabab bilan ertak yaratilmasa, yechilgan summa balansga avtomatik va to'liq qaytariladi.
Ertak matni va ovozi sun'iy intellekt tomonidan yaratiladi: talaffuz va ohangda kichik farqlar bo'lishi mumkin. Ertakni bolangizga qo'yib berishdan oldin o'zingiz tinglab ko'rishingizni tavsiya qilamiz. Muvaffaqiyatli yaratilgan ertak uchun to'lov qaytarilmaydi.

4. Kontent qoidalari

Bu yerda faqat bolalar uchun mehrli, beozor ertaklar yaratiladi. Qo'rqinchli yoki zo'ravon mazmun, haqorat, nafrat, siyosiy va diniy targ'ibot, kattalar uchun mavzulardagi so'rovlar qabul qilinmaydi. Kiritilgan matn va ismlar uchun foydalanuvchi javobgar; bolaning familiyasi, manzili, bog'cha yoki maktab nomi kabi ma'lumotlarni kiritmang.

5. Foydalanish huquqi

Yaratilgan ertakdan shaxsiy maqsadlarda erkin foydalanishingiz mumkin: tinglash, yuklab olish, yaqinlaringizga ulashish. Ulashish havolasi orqali ertakni faqat havolani olgan odamlar to'liq tinglay oladi. Ertak sukut bo'yicha umumiy «Ertaklar» bo'limida ham ko'rinadi (shu ismli boshqa bolalarning ota-onalari uni yarim narxga olishi mumkin) — buni ertak sahifasidagi «Hammaga ochiq» belgisi bilan istalgan payt o'chirib qo'yasiz.

6. Shaxsiy ma'lumotlar

Biz Telegram akkauntingizning ochiq ma'lumotlarini (ID, ism, username) va siz kiritgan ma'lumotlarni (jumladan bola ismi va yoshini) xizmat ko'rsatish uchun saqlaymiz. Batafsil: maxfiylik siyosati.

7. Aloqa

Savol va murojaatlar Telegram bot orqali qabul qilinadi: @ertakchiuzbot.